يوم قابلت اللاعب ((كـــــــــاكـــــــــا)) لايفوتكم

السلام عليكم ورحمة الله وبركاته
اول شي اكتبه بيدي مع مساعده بنت خالتي

اعزائي الاعضاء بليز الي ماله خلق او موده مش اوكي يطلع واذا راق يرجع
ابيكم تقرون موضوعي وانتو مخمخين بس تكفون الي يدخل ابيه يرد علي ويعطيني رايه حتى لو كان سلبي هاذي اول شابيطي=كتاباتي
هاذاي قصه يمكن انها صارت لي ويمكن لا ويمكن من نسج الخيال ويمكن مقتطفات من بعض المنتديات ويمكن ويمكن
المهم نبداء بالقصه

هاذا ياطويلين العمر كان في يوم الجمعه الي طافت جاني واحد من اخواني بيموت من الفرحه
ويقولي اخيرا مابغيت ياربيه بموت من الفرحه
وعيونه كانت تكفي تبن فرحته تعرفون بزر فرحان عيونه كانت تلمع من الفرحه
واجي واقوله وش فيك فرحني معك
قالي تخيلي
قلت هاه
قالي تخيلي اول
وارفسه بكل حنيه واقول عجل علي وش
قالي شفت
قلت مين
قالي حلم حياتي
قلت منهو
قالي اه
قلت وجعه اخلص
قال سعد الحارثي قابلته اخيرا وسلمت عليه<<<<هو مريض في شي اسمه سعد الحارثي يموت عليه
وافز من مكاني قلت قل والله
قال وقسم
قلت طيب ومن بعد شفت<<<تلمح لها على واحد تنتظر اسمه
قالي شفت عبدالرحمن القحطاني ومالك ومدري مين المهم ماجاب الاسم الي ابيه
ويوصف لي وش صار ووش قال لسعد وكذا
المهم هو قاعد يسولف علي قاعده افكر اقول ياحظه قابل اللاعب الي يحب ياليتني اقابل كاكا وفجاءه جات امي وقالت لي فزي نومي اختك
قلت ماني ماني مااحب انوم البزران
قالت اقول قومي قبل ترى مااشتري لك كيت كات<<<نقطة ضعفي
قلت خلاص طيب
واسحب اختي مع شوشتها وادخل غرفتي انومها
وقمت الصبح على ابوي يصحيني بكل رقه وحنان طفطوفه قومي يابعدي
وانقز من السريروافرك عنيناتي واشوف الا هو ابوي صدق قلت هلا يبه واسلم عليه وابوس راسه
قالي يابنيتي ودي احقق لك طلب من زمان ودك فيه
قلت وشو
قالي ودي اوديك تشوفين نادي النصر
قلت لاه تلعب علي وش شايفني بزر
تكذب علي
ويكفخني بسبحته على خدي الا خدي يصير خدي كنه قماش مشجر
قال انا صادق تبين تروحين معي قومي البسي ويله انتظرك بالسياره
واروح لكم انا واتكشخ والبس لبس اخوي الي بالثاني ابتدائي حق نادي النصر
طبعا البنطلون طلع علي برموده وازين شعري قرنين واحد فيه شريطه زرقا والثاني صفرا
المهم
وصلنا لبوابه النادي وانا واقفه انواع الارتجاف والتلخبط وشوي الا اطيح على الارض
ويمسكني ابوي بيدي وندخل وانا اشوف ابوي و مو مصدقه من جده موديني لنادي كله رجال وبعد ماخلاني البس عبايه
ويقطع حبل افكاري ابوي يسلم على ماجد عبدالله يقول ارحب اخبارك
واقوم انا اقول لماجد وش اخبارك ياابو سمره وسولفنا بعضًا من السوالف والنوكتات
وقال ابوي يله نشوفك على خير ياابو عبدالله و نروح ندخل للملعب ونلاقي الفريق الاول يتدربون لان كان فيه اليوم مباراة مع حبيبنا نادي الهلال وشوي الا واشوف سعيدان واركض له ركض هلا وغلا بسعودي ابرم لي كم برمه خلني اصدق انك قدامي ويكبر راسه زياده وينبسط وكنت قاعده اكركر انا وسعودي واسمع المدرب يقول كاكا انا على بالي جابو كيت كات واستانست والتفت الا هو الاعب كــــــــــــاكــــــــــــا صار لاعب في النصر واصرخ واقول لاه لاه حلمي قدامي عنوني <<<<انواع الخققان عند المزيون كاكا
ويغمى علي وماصحيت الاقبل المباراة بشوي والا هم محتاسين ويقولون ماعندنا بديل وش نسوي وحالتهم حاله
الا اشوف القمر بينهم (كاكا)يأشر علي ويبربر مع المدرب ويقول المدرب الاوالله جبتها
ويجي المدرب يقولي حنا عندنا لاعب مصاب وماعندنا بديل وتعرفين مباراة صعبه ولازم نلعب كاملين وودنا تلعبين معنا اذا ودك واكون شاكر لك
واقول ايه اذا ودي الا ودي ونص هي تقي الساعه الي العب فيها مع النصر وقدام مين قدام الهلال الا عطوني الطقم خلوني اغير لبسي تعرفون كمش مع الغسيل مو الاصلي<<<انواع الترقيع
والبس واتسنع واصف مع اللاعبين وونقول النشيد الوطني<<<<انواع النصب المباراة مو دوليه
واصور مع اللاعبين وانا اترزز بين كاكا وسعد
المهم ونبدا المباراة ويشوت سعد لكاكا ويناول لي كاكا وانواع التسحيب واركض واركض مسرعة وياسر القحطاني يحدني يبي يقطعها وانا اشوف خشته والله بغيت اهون واروح اعطيه الكوره بنفسي واتذكر قلت لا كاكا معي عندي القمر مالي ومال لنجوم
المهم ويجي محمد الشلهوب يحاول فيني يبي ياخذها ماقدر قلت تكفى يابابا روح بعيد انا ارحمك ماابي اعورك ويسمع كلامي البطل ويروح ويجيني شين الحلايا خالد عزيز ويشوت رجلي جعله الي مانيب قايله واطيح وصفر الحكم ويقول ركلة جزاء للنصر
وشوي الا صراخ الجمهور جنو جنو ..جنو جنو ..اكويهم كوي وانواع التشجيع
والا انا متشققه من الفرحه وجيت ابي اشوت وكان كاكا واقف جنبي يعني عنصر مساعد
وانا مع الحماس والتشجيع والتصفيق من الجمهور واقوم اهز واخذ الحبل حق الجزمه واربطه واقول رئصني ياقدع وارقص ويرقص كاكا معي سامري والجمهور انبسطو وانواع الاغاني والتصفيق المهم رجعنا لجو المباراة واجي ابي اشوت الكوره بقوه ومن الحماس شت الهوا واطيح واتعور وقعدت اصيحوابكي ويجي كاكا لمي
ويفصخ شرابه ويمسح دموعي ياحبي له مزيون ورومنسي بعد وانا انواع التقزيز في وجهه هو يمسح دموعي وانا كل شوي ازيد صياحي ماابيه يروح<<<
الا يجيني ذاك القوطي من الجمهور والتفت الا هو اخوي يقولي موب وقته سجلي قبل اقسم بالله لاوريك شغلك
واتذكر طق اخوي الا يخليني اتشنج واقوم واسمي بالله واسدد الكوره ويجي هدف
والجمهور جنو جنو جنو جنو عاشت عاشت
ويجون كل اللاعبين وينطون علي وانواع الوناسه والفرحه ويجون مذيعين القناه الرياضيه يبون يسوون معي مقابله واجي انا ابي امسك المقرفون واخذه من المذيع وهو يسحبه يقول لا خليه معي وهو يسحب وانا اسحب يسحب وانا اسحب
واتحمس واسحبه قوه وشوي الا اسمع صوت اختي الصغيره تصيح اثرني طول الليل اسحب في رضاعتها

وطلع كاكا حلم وسعد حلم وياسر حلم واني ازور نادي النصر حلم

وان احنا نروح نشجع اكبر حلم

ارائكم ياحلوين

يوم قابلت اللاعب ((كـــــــــاكـــــــــا)) لايفوتكم Kg416873

يوم قابلت اللاعب ((كـــــــــاكـــــــــا)) لايفوتكم Kg416873

شكرا ريم على المجهوود